Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սյունիքի մարզպետ Կարեն Համբարձումյանը ընդունեց «Հյուսիս-հարավ ճանապարհային միջանցքի ներդրումային ծրագրի» պատվիրակությանը
27.06.2018
Իտալական «Անաս » ընկերությունը դեռ անցած տարի ՀՀ տրասնպորտի, կապի և տեղեկատվական տեխնոլոգիաների նախարարության հետ շրջանակային համաձայնագիր էր ստորագրել, քանի որ հետաքրքրված է «Հյուսիս-հարավ ճանապարհային միջանցքի ներդրումային ծրագրի» Տրանշ 4–ում ներդրումային հնարավորությամբ: Ընկերությանն էին տրամադրվել ճանապարհահատվածի տեխնիկատնտեսական և նախագծահաշվային փաստաթղթերը՝ գնահատելու պետություն-մասնավոր համագործակցության ձևաչափով Սիսիան-Քաջարան հատվածի կառուցման և շահագործման նպատակահարմարությունը:
Հաշվի առնելով վերոնշյալ հանգամանքները՝ «Անաս» ընկերության ենթակապալառու «AECOM» կազմակերպությունն այսօր հանդիպում ունեցավ Սյունիքի մարզպետ Կարեն Համբարձումյանի հետ: «AECOM»-ն իրականացնում է մոնիթորինգ ճանապարհների կառուցման տեխնիկական մասով: Հանդիպմանը ներկա էին «AECOM» ընկերության տարածաշրջանային տնօրեն Վլադիմիր Ավետիսյանը, նախագծի մենեջեր Ռոման Վիկտորովը, Սյունիքի մարզպետարանի աշխատակազմի քաղաքաշինության վարչության տրասնպորտի և ճանապարհաշինության բաժնի պետ Սարիկ Աղաբեկյանը:
Հանդիպման ընթացքում մարզպետին ներկայացրեցին տեխնիկական աուդիտի ուսումնասիրությունների կատարած նախնական տվյալները՝ ակնկալելով մարզպետի աջակցությունը:
Սյունիքի մարզպետ Կարեն Համբարձումյանը հանձնարարեց փոխմարզպետ Վարդան Դավթյանին զբաղվել «Հյուսիս-հարավ ճանապարհային միջանցքի ներդրումային ծրագրի» աշխատանքներով:
