Սյունիքի մարզպետի աշխատակազմ

Սյունիքի մարզպետ Կարեն Համբարձումյանը մարզպետ նշանակվելուց հետո շարունակում է ընդունել Սյունիքի մարզի տարբեր համայնքները ներկայացնող քաղաքացիներին:   Քաղաքացիները  մարզպետարան էին եկել տարատեսակ առաջարկներով, դիմումներով և խնդրանքներով: Մարզի ղեկավարին ներկայացրել են իրավական, կոմունալ-կենցաղային, առողջապահական, սոցիալական և այլ  ոլորտներին վերաբերող հարցեր: Սյունիքի մարզպետ Կարեն Համբարձումյանն անձամբ  ծանոթացել է քաղաքացիներին  մտահոգող խնդիրներին և մարզպետարանի համապատասխան ստորաբաժանումների ղեկավարներին հանձնարարել ուսումնասիրել ներկայացված դիմում-խնդրանքները և օրենքի շրջանակներում լուծման առաջարկություններ անել: