Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԳՈՐԻՍՈՒՄ ՔՆՆԱՐԿՎԵՑԻՆ ԱՌՈՂՋԱՊԱՀԱԿԱՆ ԵՎ ԿՐԹԱԿԱՆ ՈԼՈՐՏՆԵՐԻՆ ԱՌՆՉՎՈՂ ԽՆԴԻՐՆԵՐԸ
16.07.2018
Սյունիքի մարզպետ Կարեն Համբարձումյանը հուլիսի 16-ին աշխատանքային այցով Գորիսում էր: Մարզպետը նախ այցելեց Գորիսի բժշկական կենտրոն, այստեղ ծանոթացավ շենքային պայմաններին, բնակչությանը մատուցվող ծառայությունների որակին, բուժվող հիվանդների առողջական վիճակին, ինչպես նաեւ կենտրոնի՝ բժշկական սարքավորումներով հագեցվածությանը:
Կ.Համբարձումյանը հանդիպեց նաեւ բժշկական կենտրոնի անձնակազմին`բուժաշխատողների հետ քննարկելով իրենց հուզող խնդիրները:
Մարզի ղեկավարն իր այցի շրջանակներում հանդիպեց նաեւ Գորիսի դպրոցների տնօրենների հետ: Հանդիպումը կրկին ճանաչողական էր, եւ մարզպետը նպատակ ուներ ծանոթանալ այս տարածաշրջանում հանրակրթության ոլորտը ղեկավարողներին:
Կրթօջախների տնօրենները Սյունիքի մարզպետին ներկայացրեցին իրենց ղեկավարած դպրոցներին առնչվող հիմնախնդիրները. դրանք հիմնականում վերաբերում էին դպրոցների շենքային պայմաններին, հրատապ նորոգումներին, մարզադահլիճների վիճակին:
Ներկայացված խնդիրները կուսումնասիրվեն մարզպետին ուղեկցող՝ Սյունիքի մարզպետարանի աշխատակազմի անդամների կողմից:
