Սյունիքի մարզպետի աշխատակազմ

Սիսիան քաղաքում սկսվել են Նար-Դոս 5 հասցեում գտնվող բազմաբնակարան շենքի աստիճանահարթակի վերանորոգման աշխատանքները:

Հիշեցնենք, որ այս նպատակով 2018թ. պետբյուջեով նախատեսված ՀՀ կառավարության պահուստային ֆոնդից ՀՀ մարզերում առաջնահերթ լուծում պահանջող հիմնախնդիրների համար հատկացումների շարքում տրամադրվել էր 19 մլն 950 հազար դրամ, եւս 1 մլն 50 հազար դրամ նշված շինաշխատանքների համար տրամադրում է Սիսիան համայնքը: 
Աստիճանահարթակն ավելի քան 10 տարի գտնվում էր վթարված ու անմխիթար վիճակում ու վտանգավոր էր դարձել բնակիչների համար. խնդրի լուծման ակնկալիքով համայնքապետարանն ու բնակիչները բազմիցս տարբեր ատյաններ էին դիմել…
Ներկայումս այն ամբողջովին քանդվել է, ու փոխարենը կկառուցվի լիովին նոր աստիճանահարթակ: 
Շինարարական աշխատանքներն իրականացնում է «Հիդրո» ՍՊԸ-ն, նախատեսված է դրանք ավարտել մինչեւ գալիք տարվա նոյեմբեր ամիսը: