Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՅՑ ԿՐԹԱՄՇԱԿՈՒԹԱՅԻՆ ՕՋԱԽՆԵՐ
21.11.2018
Նոյեմբերի 20-ին Սյունիքի մարզպետ Հունան Պողոսյանը ճանաչողական այցերով եղավ «Կապանի արվեստի պետական քոլեջ», «Սյունիքի մարզային գրադարան» եւ «Կապանի երկրագիտական թանգարան» ՊՈԱԿ-ներում:
Մարզի ղեկավարը ծանոթացավ այս կառույցների ներկա վիճակին, աշխատանքներին, կահավորանքին եւ հագեցվածությանը, աշխատանքային պայմաններին ու խնդիրներին:
Արվեստի քոլեջը հիմնանորոգման ու ջեռուցման կարիք ունի, այստեղ լուրջ խնդիր է նաեւ երգեհոնային դահլիճի ու հենց երգեհոնի նորոգումը, որը վնասվել է դեռեւս 90-ականների պատերազմական տարիներին:
Հ.Պողոսյանին գոհացրեցին մարզային գրադարանի նորոգված բաժիններն ու պայմանները. գրադարանավարներից նա հետաքրքրվեց ընթերցասիրության ներկայիս վիճակագրությամբ, գրքի պահանջարկով, ունեցած գրքային ֆոնդով:
Կապանի երկրագիտական թանգարանի տնօրեն Գրիշա Սմբատյանը մարզպետին ծանոթացրեց այս պահին թանգարանի սրահներում ներկայացված ցուցադրանքին, թանգարանային հարուստ եւ բացառիկ արժեք ներկայացնող նմուշներին, տարածաշրջանի պատմությանը:
Թանգարանը տարիներ շարունակ ցուցանմուշների համար ցուցադրափեղկերի կարիք ունի, իսկ շատ արժեքավոր նմուշներ անվտանգության նկատառումներից ելնելով չեն ցուցադրվում:
