Սյունիքի մարզպետի աշխատակազմ

ՀՀ Սյունիքի մարզպետարանը  «Հայաստան» համահայկական հիմնադրամի 21-րդ համազգային դրամահավաք-հեռուստամարաթոնին, որն  անցկացվեց «Արարենք միասին» խորագրով, նվիրաբերել է 1  միլիոն դրամ, որից 480 հազար դրամը Սյունիքի մարզպետ Հունան Պողոսյանի մեկ ամսվա աշխատավարձի գումարն է, որը նա ամբողջությամբ հատկացրեց հանգանակությանը: Մարզպետարանի մյուս աշխատակիցները եւս մասնակցել են ազգային տուրքի միջոցառմանը:  

«Հայաստան» համահայկական հիմնադրամի 21-րդ հեռուստամարաթոնի միջոցներով կշարունակվեն Արցախում իրագործվող 2 ծրագրեր, որոնք սկսվել էին նախորդ տարվա՝ «Բերքառատ Արցախ» հեռուստամարաթոնի միջոցներով:

Բացի Արցախում իրականացվելիք ծրագրերից, «Հեռուստամարաթոն-2018»-ին նվիրաբերված գումարներն ուղղվելու են Հայաստանի համայնքային ենթակառուցվածքներին, որոնք կխթանեն աշխատատեղերի ստեղծումը:

Սյունիքի մարզպետարանն ամեն տարի մասնակցել է համազգային դրամահավաք-հեռուստամարաթոնին: