Տեղեկատվական կենտրոն
Նորություններ
ԳՆԱՀԱՏԱՆՔԻ ՀԱՆԴԻՊՈՒՄ ՄԱՐԶՊԵՏԱՐԱՆՈՒՄ
07.03.2019
Սյունիքի մարզպետարանում այսօր՝ Մարտի 8-ի նախօրեին, մարզպետ Հունան Պողոսյանը հյուրընկալեց մարզի տարբեր համայնքներից զանազան ոլորտներ ներկայացնող չորս տասնյակից ավելի կանանց:
Մարզի ղեկավարը Սյունիքի մարզպետարանի ողջ կոլեկտիվի անունից շնորհավորեց ներկաներին գալիք տոնի կապակցությամբ՝ նշելով, որ իրականում բոլոր կանայք են արժանի խրախուսման, բայց այսօր ընտրել են մարզի լավագույններին:
«Ընտանեկան ջերմություն եմ մաղթում ձեզ ու ցանկանում՝ ինչ սիրով ու պատասխանատվությամբ որ մինչ այժմ կատարել եք ձեր շնորհակալ գործը, նույնկերպ շարունակեք», - ասաց Հունան Պողոսյանը:
Հրավիրված կանանց մարզպետը դրամական խրախուսանք եւ շնորհակալագիր հանձնեց` յուրաքանչյուրին իր բնագավառում ունեցած ներդրման համար: