Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏԻ ՀՅՈՒՐԵՐԸ «ԻՐԱԶԵԿ ԴՊՐՈՑԱԿԱՆՆԵՐՆ» ԷԻՆ
24.03.2019
Անցած շաբաթավերջին Սյունիքի մարզպետի հյուրերն էին «Կապանի մանկապատանեկան ստեղծագործական կենտրոն» ՀՈԱԿ-ի «Իրազեկ դպրոցական» խմբակի սաները:
Քանի որ այս պահին նրանք պետական կառավարման համակարգն են ուսումնասիրում, իրենց խմբավար Ռամելա Հակոբյանի հետ այցելել էին Սյունիքի մարզպետարան՝ շրջել կառույցում ու ծանոթացել նրա աշխատանքներին:
Պատանիներին սիրով հյուրընկալեց նաեւ մարզի ղեկավարը: Հունան Պողոսյանը հարցեր ուղղեց խմբակի սաներին եւ զրուցեց իրենց ունեցած նախասիրությունների, հետաքրքրությունների, կրթության հանդեպ վերաբերմունքի ու մասնագիտական կողմնորոշման մասին:
«Իրազեկ դպրոցական» խմբակը կենտրոնում գործում է 2012-ից, այժմ 3 խումբ ունեն, որից յուրաքանչյուրում համայնքի տարբեր դպրոցներից աշակերտներ են ընդգրկված:
