Տեղեկատվական կենտրոն
Նորություններ
ԱՄՓՈՓՎԵՑԻՆ ՀԱՄԱԺՈՂՈՎԻ ԱՐԴՅՈՒՆՔՆԵՐԸ, ՔՆՆԱՐԿՎԵՑԻՆ ԸՆԹԱՑԻԿ ՀԱՐՑԵՐ
29.05.2019
![](http://syunik.mtad.am/files/n_pics/20593_s.jpg)
Մայիսի 29-ին Սյունիքի մարզպետ Հունան Պողոսյանը հերթական աշխատանքային խորհրդակցությունն անցկացրեց մարզպետարանի կառուցվածքային ստորաբաժանումների ղեկավարների մասնակցությամբ:
Մարզի ղեկավարը նախ ամփոփեց «Իմ քայլը հանուն Սյունիքի մարզի» բիզնես համաժողովի արդյունքները եւ շնորհակալություն հայտնեց աշխատանքային խմբի անդամներին, համակարգողներին՝ կատարածի համար:
Հունան Պողոսյանը նաեւ պատվիրեց հետեւողական լինել, որ ֆորումի ժամանակ կնքված հուշագրերին առնչվող ծրագրերը բնականոն ընթացք ստանան եւ արդյունքներ ունենան:
Խորհրդակցության ընթացքում անրադարձ եղավ նաեւ առաջիկա համապետական շաբաթօրյակին, որը կկայանա հունիսի 8-ին, եւ դրան վերաբերող հանձնարարականներ տրվեցին:
Մարզպետարանի պատասխանատուները խոսեցին իրենց ոլորտների այս տարվա առաջին կիսամյակի մարզային պատկերի մասին:
Քննարկումներ եղան առաջիկայում Գորայքում սպասվող ՏԻՄ ընտրությունների օրինական ընթացքի ապահովման, մարզում աղբահանության, ճանապարհաշինության վիճակի, համայնքային բյուջեների հավաքման, դպրոցներում ավարտական քննությունների կազմակերպման եւ այլ հարցերի շուրջ: