Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՍՅՈՒՆԻՔԻ ՄԱՐԶՊԵՏՆ ԱՅՑԵԼԵԼ Է ՄԵՂՐԻ
05.03.2020
Սյունիքի մարզպետ Հունան Պողոսյանը մարտի 4-ին աշխատանքային այց է կատարել Մեղրի համայնք։
Մարզպետը համայնքի ղեկավար Մխիթար Զաքարյանի հետ եղել է սուբվենցիոն ծրագրերով այստեղ իրականացվող շինաշխատանքների տարածքներում՝ Մեղրի քաղաքի մանկապարտեզում, որտեղ ավարտվում են առաջին փուլի՝ շենքի ուժեղացման աշխատանքները, ծանոթացել է նաեւ քաղաքային զբոսայգուն, որը շուտով ավարտուն տեսք կստանա։
Հունան Պողոսյանն այցելել է նաեւ Մեղրու մաքսակետ եւ Մեղրու տարածաշրջանային բժշկական կենտրոն։
Այցի շրջանակներում մարզի ղեկավարը տեղում պարգեւատրել է մարզպետի որոշումներով շնորհակալագրի արժանացած «Մեղրու ՃՇՇՁ» ՍՊԸ-ի տնօրեն Ազատ Գասպարյանին՝ ճանապարհաշինարարական աշխատանքների որակյալ եւ արդյունավետ կազմակերպման համար ու ծննդյան 60-ամյակի կապակցությամբ եւ ՀՀ ՌԴ սահմանապահ ծառայության Մեղրու զորամասի հրամանատար գնդապետ Ալեքսանդր Բուրշտինին՝ ՀՀ հարավ-արեւելյան սահմանների պաշտպանության ու անվտանգության պահպանման գործում ներդրած ավանդի համար ու ՌԴ պետական տոնի՝ Հայրենիքի պաշտպանի օրվա կապակցությամբ։
