Սյունիքի մարզպետի աշխատակազմ

2021թ. հունվարի 22-ին ՀՀ Սյունիքի մարզպետ Մելիքսեթ Պողոսյանն առաջին անգամ Կապան  համայնքում կատարել է քաղաքացիների  ընդունելություն։

Ընդունելությանը ներկայացել է 17 քաղաքացի:

Դրամական օգնություն ստանալու խնդրանքով  դիմել էր հինգ, աշխատանքի տեղավորման՝ ինը, տնամերձի սահմանների ճշտման, ռմբակոծությունից վնասված տանիքի վերանորոգման, պետպատվերի շրջանակներում աչքի վիրահատության խնդրով՝  մեկական  քաղաքացի:

Դրամական օգնության համար դիմած հինգ քաղաքացիներից 3-ի դիմումներին  տրվել է դրական լուծում, երկու  դիմում գտնվում է ուսումնասիրման փուլում:

Աշխատանքի տեղավորման մասին դիմումները վերցվել են հաշվառման և ուսումնասիրվում են դրանց լուծման հնարավորությունները:

Մարզպետարանի համապատասխան ստորաբաժանումներում մարզպետի հանձնարարությամբ ուսումնասիրվում են մյուս բարձրացված խնդիրները։