Սյունիքի մարզպետի աշխատակազմ

Փետրվարի 2-ին Սյունիքի մարզպետ Մելիքսեթ Պողոսյանը Սյունիքի մարզպետարանի եւ ՀՀ ոստիկանության Սյունիքի մարզային վարչության համատեղ արդյունավետ աշխատանքների կազմակերպման, իրավախախտումների կանխարգելման եւ բացահայտման, հանրային անվտանգության ապահովման, ոստիկանության նկատմամբ վստահության ամրապնդման գործում  ներդրած ավանդի, ծառայողական պարտականությունների բարեխիղճ կատարման եւ մասնագիտական բարձր պատրաստականության համար պատվոգրեր հանձնեց մի շարք ոստիկանների՝ Կապանի, Գորիսի, Մեղրու, Սիսիանի բաժիններից ու մարզային վարչությունից։ Քանի որ ոչ բոլորն էին ներկա, մյուսների փոխարեն պատվոգրերը ստացան եւ նրանց  կփոխանցեն գործընկերները։