Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՀԱՆԴԻՊՈՒՄ ԻԻՀ ԴԻՎԱՆԱԳԵՏՆԵՐԻ ՀԵՏ
18.03.2021
Մարտի 18-ին Սյունիք է այցելել Իրանի Իսլամական Հանրապետության արտգործնախարարի միջազգային իրավական հարցերով տեղակալ Մոհսեն Բահարվանդին․ ՀՀ-ում ԻԻՀ արտակարգ եւ լիազոր դեսպան Աբբաս Բադախշան Զոհուրիի հետ Սյունիքի մարզպետարանում նա հանդիպել է մարզպետ Մելիքսեթ Պողոսյանին։
Հանդիպման ընթացքում քննարկվել են Սյունիքում ճանապարհաշինական ծրագրերի հեռանկարները, որոնց մասնագիտական ու այլ տարբերակներով կարող է աջակցել իրանական կողմը, քանի որ վերջինս եւս շահագրգռված է մարզի տարածքով անցնող մայրուղիների բարեկարգ վիճակով։
Քննարկվել են նաեւ Իրանի՝ հատկապես մեր մարզին սահմանակից նահանգների ու Սյունիքի միջեւ առեւտրի եւ այլ ոլորտներում համագործակցության զարգացման, հարաբերությունների խորացման հնարավորությունները, կարեւորվել է Մեղրու ազատ տնտեսական գոտու գործարկումը։
Մարզպետ Մելիքսեթ Պողոսյանը բարձրաստիճան դիվանագետներին գյուղատնտեսության զարգացմանն առնչվող առաջարկներ է ներկայացրել։
