Սյունիքի մարզպետի աշխատակազմ

Փառատոնին 46 գիտահետազոտական նախագիծ էր ներկայացրել Երեւանի, Շիրակի, Կոտայքի, Արագածոտնի, Սյունիքի, Արմավիրի, Արարատի, Վայոց ձորի 21 ուսումնական հաստատության ավագ դասարանների 110 աշակերտ, իսկ դրա նպատակն էր դպրոցահասակ սովորողների շրջանում հետաքրքրություն սերմանել գիտական հետազոտությունների նկատմամբ, զարգացնել խմբային աշխատանքի, նորարարական ծրագրերի իրականացման ու դրանց ներկայացման հմտությունները:

Կապանի թիվ 3 միջնակարգ դպրոցի 10-րդ դասարանցիների թիմի գիտական աշխատանքը (նախագծի ղեկավար` Վարդուհի Օհանջանյան) «Քիմիա» անվանակարգում նախարարության կողմից ճանաչվել է «Լավագույն նախագիծ»։

Կապանի Հ.Ավետիսյանի անվան թիվ 9 ավագ դպրոցի 11-րդ դասարանցիները (նախագծի ղեկավար՝ Լիլիթ Դավթյան) մրցանակ են ստացել ՀՀ-ում գործող գիտական ասոցիացիաների կողմից։ Հանդիպմանը ներկա էին նաեւ դպրոցների տնօրենները, մարզպետի տեղակալ Կարո Ավանեսյանը, մարզպետարանի Կրթության, մշակույթի եւ սպորտի վարչության պետ Մերի Գանդալյանը, վարչության Կրթության բաժնի պետ Հայկ Հարությունյանը, բաժնի մասնագետները։

Մարզպետը շնորհավորեց աշակերտներին ու շնորհակալություն հայտնեց նրանց ղեկավար մանկավարժներին ու տնօրեններին՝ կարեւորելով գիտության հանդեպ հետաքրքրությունն արդեն դպրոցական տարիքում, նշեց նաեւ, որ կրթության ու գիտության ոլորտում Սյունիքը պետք է ձգտի առաջատար լինել, եւ նաեւ այդպես պետք է ուժեղանանք ու հիմքեր ստեղծենք հետագա հաղթանակների համար։ Մելիքսեթ Պողոսյանը նվերներ (գրքեր) հանձնեց պատանիներին ու նրանց նախագծերի ղեկավարներ ուսուցիչներին։

Հանդիպման մասնակիցները նաեւ հարցեր ու առաջարկներ ունեին, որոնք ներկայացրեցին մարզի ղեկավարին ու կրթության պատասխանատուներին։