Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏԱՐԱՆԻ ԱՇԽԱՏԱՆՔԱՅԻՆ ԽՈՒՄԲՆ ԱՅՑԵԼԵԼ Է ՄԵՂՐԻ ՀԱՄԱՅՆՔ
21.04.2021
Ապրիլի 20-ին Սյունիքի մարզպետարանի աշխատանքային խումբը փոխմարզպետ Կարո Ավանեսյանի գլխավորությամբ այցելել է Մեղրի համայնք։
Ագարակ քաղաքում կատարվել է քաղաքացիների ընդունելություն, որի ընթացքում մարզպետարանի պատասխանատուները լսել ու գրանցել են բնակիչների բարձրացրած խնդիրները՝ քննարկելու եւ ընթացք տալու նպատակով։ Հանդիպում է կայացել նաեւ Մեղրու համայնքապետարանի ներկայացուցիչների հետ։
Այնուհետեւ, ոռոգման սեզոնի մեկնարկին այս գործընթացի վիճակն ուսումնասիրելու նպատակով Կարո Ավանեսյանն այցելել է այգետերերի, ուսումնասիրել ոռոգման ցանցի աշխատանքը, որն այժմ անխափան գործում է։
Խումբն այցելել ու հանդիպումներ է ունեցել նաեւ Նռնաձոր գյուղում։
Այցի ավարտին մարզպետարանի ներկայացուցիչները, խմելու ջրի խնդրի հետքերով եղան Մեղրու բժշկական կենտրոնում ( խնդիրն այժմ լուծվել է), ինչպես նաեւ հանդիպում ունեցան ԲԿ-ի կոլեկտիվի հետ։
