Սյունիքի մարզպետի աշխատակազմ

Մայիսի 26-ին Սյունիքի մարզպետ Մելիքսեթ Պողոսյանը խորհրդակցություն է անցկացրել հանրապետական ուժային կառույցների մարզային պատասխանատուների հետ։

Հանդիպման ընթացքում քննարկվել են նոր սահմանային իրավիճակով պայմանավորված ՝ մարզի քաղաքացիների անվտանգությանն առնչվող աշխատանքային ու կազմակերպական հարցեր։

Կարեւորվել է գյուղական բնակավայրերում համապատասխան կառույցների կողմից  բնակչության հետ տարվող իրազեկման ու բացատրական աշխատանքը՝ ճիշտ վարք դրսեւորելու, անասունների պահման հարցում կանոններին հետեւելու վերաբերյալ։

Մարզպետը կարեւորել է նաեւ ուժայինների հետեւողականությունը  քաղաքացիների շրջանում տարածվող խուճապային ու կեղծ տեղեկատվության կազմակերպված տարածման դեմ պայքարելու, այդ խնդրում վերահսկողությունն ուժեղացնելու առումով ու խնդրել առավել ուշադիր լինել այս հարցում։