Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
27 ՀՈԿՏԵՄԲԵՐԻ
27.10.2021
ՍՅՈՒՆԻՔԻ ՄԱՐԶՊԵՏ ՄԵԼԻՔՍԵԹ ՊՈՂՈՍՅԱՆ․ «Ինձ համար՝ որպես զինվորական ու այժմ որպես Սյունիքի մարզպետ, Սպարապետը ոչ թե պարզապես Վազգեն Սարգսյան անձ էր, այլ Հայաստան էր, Արցախ էր, Հայրենիք էր․․․ Ուժ, որ 20-րդ դարում կարողացավ միավորել բոլորին՝ հանուն միասնական ազգային նպատակի՝ անկախ տարբեր հայացքներից, անցած ճանապարհից, անհատ, որ հասկանում էր յուրաքանչյուր մարդու հոգեբանություն, յուրովի հարգում բոլոր հրամանատարներին ու գնահատում, կարողանում համախմբել մեկ գաղափարի շուրջ։
Շարժման առաջին օրերից մինչ իր եղերական վախճանը երջանկություն ու պատիվ եմ ունեցել ճանաչել ու շփվել նրա հետ, գնահատվել նրա կողմից։ Ինձ համար Սպարապետը միշտ կենդանի է ու ապրում է, իսկ մենք ձգտում ենք ապրել իր նախանշած կյանքով, իր թողած արժեքներով, քայլել իր մատնանշած ճանապարհով․․․Վազգենը Սյունիքը շատ էր սիրում»։
Հ․Գ․ Այսօր՝ հոկտեմբերի 27-ին՝ Վազգեն Սարգսյանի հիշատակի օրը, Սյունիքի մարզպետ Մելիքսեթ Պողոսյանը՝ փոխմարզպետ Կարո Ավանեսյանի ու Կապանի ԵԿՄ կառույցի անդամների հետ այցելել է Կապանի Բաղաբուրջի հուշահամալիր՝ Վ․Սարգսյանի հուշարձանին ու հարգանքի տուրք մատուցել նրա հիշատակին։
