Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՀԱՐԹԱՇԵՆԻ ԴՊՐՈՑԸ ՆՈՐՈԳ ՄԱՐԶԱԴԱՀԼԻՃ ՈՒՆԻ
21.12.2021
Դեկտեմբերի 19-ին Սյունիքի մարզպետ Մելիքսեթ Պողոսյանն ու մարզպետի տեղակալ Կարո Ավանեսյանը մասնակցեցին Հարթաշենի (Գորիս) միջնակարգ դպրոցի վերանորոգված մարզադահլիճի բացման արարողությանը։ Այն վերանորոգվել է «ՍՈՍ Արեւելքի քրիստոնյաներ» ֆրանսիական հասարակական կազմակերպության ֆինանսավորմամբ, ու արարողությանը ներկա էր նաեւ կազմակերպության ղեկավար Արամ Կայայանը։
Կարո Ավանեսյանը շնորհակալություն է հայտնել բարերարներին՝ կատարված աշխատանքի համար։
Նշենք նաեւ, որ մարզպետարանի ֆինանսավորմամբ փոխվում են դպրոցի պատուհանները։
Գյուղ այցի ընթացքում մարզպետը նաեւ հանդիպում է ունեցել բնակիչների հետ, որոնք նրան են ներկայացրել իրենց խնդիրները։
Արդեն իսկ մարզպետարանի միջամտությամբ լուծում է ստացել Հարթաշենում 20 ընտանիքի անասնագոմերի ջրամատակարարման խնդիրը, որը գյուղացիները ներկայացրել էին տարածքային իշխանությանը։
