Սյունիքի մարզպետի աշխատակազմ

Բաժնի պետ Էդիկ Բունիաթյանի համակարգմամբ բաժինը մասնագիտական խորհրդատվությամբ օգնում է նաեւ ծրագրային հայտեր կազմելու եւ բուն գյուղատնտեսական աշխատանքներում։ Ձեռնարկն արդյունքներ է գրանցում, ու մարզում արդեն սկսել են օգտվել ոլորտի աջակցության ավելի քան 12 ծրագրերից։

Մասնավորապես, զրո տոկոս վարկավորման պայմաններում Սիսիան քաղաքից դեպի Շաքի տանող ճանապարհի հատվածում նախկին ավանդական այգու փոխարեն տեղացի գործարարներից մեկը 3 հա տարածության վրա ինտենսիվ պտղատու այգի է հիմնում՝ պալմետային եղանակով։ Մեկ այլ տնտեսվարող 1,5 հա ինտենսիվ այգի է հիմնում Դարբաս գյուղում, նաեւ՝ ծնեբեկի ցանքատարածություն։ Տեղ համայնքի Արավուս գյուղում բնակիչներից մեկի՝ գյուղաջակցության ծրագրով խելացի անասնագոմ հիմնելու ծրագիրն է ընթացքի մեջ եւ այլն․․․

Մարզպետարանի գյուղատնտեսության բաժինը ոչ միայն օգնում է խորհրդատվությամբ, այլեւ հետեւում աշխատանքների ընթացքին, ինչպես նաեւ կշարունակի իրազեկումը մարզի գյուղերում՝ հնարավորինս ավելի շատ շահառուների հասցնելով ՀՀ էկոնոմիկայի նախարարության գյուղատնտեսության ոլորտի պետական օժանդակության ծրագրերի մասին տեղեկատվությունը։