Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏԱՐԱՆԻ ՂԵԿԱՎԱՐ ԿԱԶՄԸ ՇՐՋԱՅՑԵՐ Է ԿԱՏԱՐՈՒՄ ՍԻՍԻԱՆՈՒՄ
22.07.2022
Ռոբերտ Ղուկասյանի՝ Սիսիան աշխատանքային այցի օրերին համայնքում աշխատում են նաեւ մարզպետի աշխատակազմի ներկայացուցիչները։
Հուլիսի 20-ին մարզպետի տեղակալ Հայկ Հարությունյանը եւ օգնական Սուրեն Քեսեջյանն այցելել են Սիսիանի թիվ 5 հիմնական դպրոց ու Սիսիանի մանկապատանեկան մարզադպրոց, ծանոթացել այս կառույցների աշխատանքին, շենքային պայմաններին ու խնդիրներին։
Մարզպետարանի եւ համայնքապետարանի ներկայացուցիչների հետ նրանք դիտարկել են նաեւ սուբվենցիոն ծրագրերով քաղաքում նորոգված փողոցներն ու աշխատանքների արդյունքը։
Սյունիքի մարզպետի տեղակալ Նարե Ղազարյանը Սիսիան այցի շրջանակներում եղել է «Սիսիանի բժշկական կենտրոն» ՓԲԸ-ում։
ԲԿ-ի տնօրեն Անիկ Գրիգորյանի հետ Ն․Ղազարյանը շրջել ու ծանոթացել է կենտրոնի ներկա աշխատանքային պայմաններին, զրուցել բուժում ստացողների հետ եւ նրանցից հետաքրքրվել բուժանձնակազմի ու սպասարկման որակի մասին։
Փոխմարզպետը դիտարկել է նաեւ ԲԿ-ի՝ նոր կառուցվող շենքի շինարարության ընթացքը։
