Սյունիքի մարզպետի աշխատակազմ

Այսօր Կապան քաղաքի օրն է, ու առավոտից Սյունիքի մարզկենտրոնում մեկնարկել են մարզական, մշակութային, ժամանցային ու այլ բնույթի տարբեր տոնական միջոցառումներ, որոնց մասնակցել է նաև Սյունիքի մարզպետ Ռոբերտ Ղուկասյանը։

Բաղաբուրջի հուշահամալիրում ծաղկադրումից հետո մշակույթի կենտրոնում տեղի է ունեցել քաղաքի օրվան նվիրված հանդիսավոր նիստ, որի ընթացքում կապանցիներին ու քաղաքի հյուրերին շնորհավորել են Սյունյաց թեմի առաջնորդական տեղապահ Մակար վարդապետ Հակոբյանը, մարզպետ Ռոբերտ Ղուկասյանը, Կապան համայնքի ղեկավար Գևորգ Փարսյանը։

«Շատ կարևոր է հատկապես այս ժամանակներում ունենալ նման օրեր, երբ բոլորս միասին ենք․ միասնական լինենք, որպեսզի դիմակայենք բոլոր մարտահրավերներին», - նշել է մարզի ղեկավարը՝ փոխանցելով նաև երկրի բարձր ղեկավարության շնորհավորանքը։

Կապանում միջոցառումները շարունակվում են ու կտևեն մինչ ուշ երեկո։