Սյունիքի մարզպետի աշխատակազմ

Սյունիքի մարզպետ Ռոբերտ Ղուկասյանն այսօր մարզպետարանի ղեկավար կազմին ու աշխատակիցներին է ներկայացրել իր նորանշանակ խորհրդական Տարոն Ալեյանին։  

Մարզպետը շնորհավորել է նրան նշանակման կապակցությամբ ու բեղմնավոր գործունեություն  մաղթել՝ ի շահ Սյունիքի։

Ռ․Ղուկասյանը ներկայացրել է նաեւ մարզի կառավարման այն ոլորտները, որը կհամակարգի պարոն Ալեյանը։

Մարզպետի նորանշանակ խորհրդականի մասին խոսք են ասել նրա գործունեությանն ու մասնագիտական որակներին  ծանոթ գործընկերները եւս։

Տարոն Ալեյանը նոր մարդ չէ  Սյունիքում․  առավել քան մեկ տարի նա գործունեություն է ծավալել այստեղ՝ որպես Սյունիքի հարցերով միջգերատեսչական աշխատանքային խմբի փորձագետ ու քաջ ծանոթ է մարզին, նրա խնդիրներին, հնարավորություններին ու զարգացման ներուժին։

Օգտվելով առիթից՝ Ռոբերտ Ղուկասյանն աշխատակազմի հետ նաեւ աշխատանքային մի շարք հարցեր  է քննարկել։