Սյունիքի մարզպետի աշխատակազմ

Սեպտեմբերի 6-ին Սյունիքի մարզպետ Ռոբերտ Ղուկասյանը Գորիսում ծանոթացել է 2021-2022թթ․ սուբվենցիոն ծրագրերով (կառավարություն-համայնք համաներդրում), նաեւ այլ դոնոր կազմակերպությունների ու բարերարների միջոցներով համայնքում իրականացված ու ընթացիկ կառուցապատման, հիմնանորոգման աշխատանքներին։

Համայնքի ղեկավար Ա․Առուշանյանի հետ շրջայցի ընթացքում մարզպետը մասնավորապես դիտարկել է հետեւյալ ծրագրերը․

• Մաշտոցի փողոցի 230մ հատվածի եւ Դիտակետի ճեմուղու 450մ հատվածի ասֆալտապատում եւ բարեկարգում․ ընդհանուր արժեքը՝ 298 մլն 333 հազար դրամ, որից պետության համաներդրման մասնաբաժինը՝ 55 տոկոս։
• Գորիսի թիվ 3 ՆՈՒՀ-ի հիմնանորոգում․ ընդհանուր արժեքը՝ 260 մլն 122 հազար դրամ, որից պետության համաներդրման մասնաբաժինը՝ 80 տոկոս։
• Վարարակն գետի աջափնյա ու ձախափնյա մայթերի վերակառուցում․ ներդրող՝ Հայաստանի տարածքային զարգացման հիմնադրամ։
• Արտաշեսյան փողոցի հիմնանորոգում․ ընդհանուր արժեքը՝ 139 մլն դրամ, որից պետության համաներդրման մասնաբաժինը՝ 45 տոկոս։
• Գորիսի Ակներ բնակավայր տանող մոտեցման երկրորդ գլխավոր ճանապարհի հիմնանորոգում․ ընդհանուր արժեքը՝ 225 մլն 329 հազար դրամ, որից պետության համաներդրման մասնաբաժինը՝ 45 տոկոս։
• Վերիշենի ՆՈՒՀ-ի հիմնանորոգում․ բարերարների ներդրում։
• Գորիսի Ավանգարդ 5-րդ թաղամասի մոտեցման ճանապարհների հիմնանորոգում․ ընդհանուր արժեքը՝ 274 մլն 259 հազար դրամ, որից պետության համաներդրման մասնաբաժինը՝ 55 տոկոս։
• Գորիսի թիվ 5 ՆՈՒՀ-ի հիմնանորոգում․բարերարների ներդրում։

2022-ին Գորիսում հաստատված սուբվենցիոն ծրագրերից են նաեւ․

• Քարահունջ բնակավայրի կոյուղու ցանցի եւ ջրամատակարարման ցանցի վերակառուցում․ ընդհանուր արժեքը՝ 199 մլն 482 հազար դրամ, որից պետության համաներդրման մասնաբաժինը՝ 70 տոկոս։
• Գալստյան փողոցի մի հատվածի, Գալստյան փողոցի թիվ 60 բազմաբնակարան շենքի բակի, Մաշտոցի փողոցի 3 բնակելի շենքերի բակերի ասֆալտապատման եւ բարեկարգման աշխատանքներ․ ընդհանուր արժեքը՝ 134 մլն 250 հազար դրամ, որից պետության համաներդրման մասնաբաժինը՝ 55 տոկոս։

Ռոբերտ Ղուկասյանը ծանոթացել է աշխատանքների որակին, վերջնաժամկետներին, շինարարներից սուբվենցիոն ծրագրերի գործընթացի ու կարգավորումների հետ կապված առաջարկներ լսել, նաեւ մարզպետարանի ու համայնքապետարանի համապատասխան ոլորտը համակարգող մասնագետներին ծրագրերի մշտադիտարկման հետ կապված հանձնարարականներ տվել։