Սյունիքի մարզպետի աշխատակազմ

Հոկտեմբերի 14-ին Եղեգնաձորում «ՀՀ մարզերի, Երևան քաղաքի և Արցախի Հանրապետության հանրակրթական դպրոցների 7-ից 12-րդ դասարանների աշակերտների միջև անցկացվող սպարտակիադայի» միջմարզային փուլում վոլեյբոլ մարզաձևից հաղթող ճանաչվեց  Սիսիանի ավագ դպրոցի վոլեյբոլի  թիմը, որը ներկայացնում էր Սյունիքի մարզը։ Թիմը  կմասնակցի Երևանում կայանալիք սպարտակիադայի հանրապետական փուլին:

Նույն օրը Կապանում կայացավ «ՀՀ մարզերի, Երևան քաղաքի և Արցախի Հանրապետության հանրակրթական դպրոցների 7-12-րդ դասարանների աշակերտների միջև անցկացվող սպարտակիադա» մարզական միջոցառման սեղանի թենիս մարզաձևի մարզային փուլը: Հաղթող ճանաչվեցին Կապանի թիվ 3, Կապանի թիվ 11 և Քաջարանի թիվ 2 միջնակարգ դպրոցների թենիսիստները, որոնք իրավունք վաստակեցին մասնակցելու սպարտակիադայի հանրապետական փուլին:

Իսկ հոկտեմբերի 15-ին Վայքում կայացավ սպարտակիադայի բասկետբոլ մարզաձևի միջմարզային փուլը: Հաղթող ճանաչվեց Սյունիքի Շաքիի միջնակարգ դպրոցի  բասկետբոլի թիմը, որը նույնպես ուժերը կչափի հանրապետական փուլում: