Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՇԱՐՈՒՆԱԿՎՈՒՄ ԵՆ ՄՇԱԿՈՒԹԱՅԻՆ ՇՐՋԱԳԱՅՈՒԹՅՈՒՆՆԵՐԸ ՄԱՐԶԻ ՀԱՄԱՅՆՔՆԵՐՈՒՄ
16.11.2022
Նոյեմբերի 15-ին «Սյունիքյան մշակութային շրջագայություն» խորագրով ծրագրի շրջանակներում Սիսիան և Տաթև համայնքների պատվիրակությունները հյուրընկալվեցին Մեղրի համայնքում։
Միջոցառման մասնակիցները ճանաչողական այցով եղան Հ. Իգիթյանի անվան գեղագիտության ազգային կենտրոնի Մեղրու մասնաճյուղում, Փոքր թաղի Սուրբ Հովհաննես եկեղեցում, Մեղրիի մարզամշակութային կենտրոնում և քաղաքային գրադարանում։
Երաժիշտների, գեղարվեստի և արվեստի կրթօջախների ներկայացուցիչների, ստեղծագործողների անմիջական հանդիպումը կայացավ «Արևիք» արվեստի դպրոցում։ Համերգային համատեղ ծրագրով ելույթ ունեցան Մեղրիի, Սիսիանի և Շինուհայրի երաժշտական դպրոցի սաները։
Մշակութային օրն ամփոփվեց հետաքրքիր քննարկումով՝ լի նոր գաղափարներով ու փոխգործակցության առաջարկներով։ Հիշեցնենք, որ սա Սյունիքի մարզպետարանի նախաձեռնությունն է, որն իրականացնում է մարզպետարանի ենթակայության «Կապանի մշակույթի կենտրոն» ՊՈԱԿ-ը։
Հաջորդ մշակութային կանգառը կլինի Գորիսում, որտեղ կհյուրընկալվի Կապան համայնքի պատվիրակությունը։
