Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԿԱՅԱՑԱՎ ՄԱՐԶԱՅԻՆ ԶՈՐԱԿՈՉԱՅԻՆ ՀԱՆՁՆԱԺՈՂՈՎԻ ՆԻՍՏԸ
05.12.2022
Դեկտեմբերի 5-ին հերթական նիստն է գումարել Սյունիքի մարզային զորակոչային հանձնաժողովը։
Նիստը վարում էր հանձնաժողովի նախագահ, Սյունիքի մարզպետ Ռոբերտ Ղուկասյանը, մասնակցում էին հանձնաժողովի անդամները՝ ՀՀ ոստիկանության Սյունիքի մարզային վարչության, ՀՀ ՊՆ ռազմական ոստիկանության Կապանի, Սիսիանի բաժինների, ՀՀ ՊՆ զորակոչային եւ զորահավաքային համալրման ծառայության Սյունիքի մարզի տարածքային ստորաբաժանման ղեկավարները, նաեւ հրավիրված պաշտոնյաներ։
Հանձնաժողովը, լսելով ՀՀ ՊՆ զորակոչային եւ զորահավաքային համալրման ծառայության Սյունիքի մարզի տարածքային ստորաբաժանման ղեկավար, գնդապետ Վահե Աղալարյանի զեկույցը, որոշեց շարքային կազմի պարտադիր զինվորական ծառայության 2022 թ․ ձմեռային զորակոչից տարկետման իրավունքից օգտվելու վերաբերյալ եզրակացություն տալ մի շարք քաղաքացիների։
