Սյունիքի մարզպետի աշխատակազմ

Այս շաբաթ տեղի ունեցան վերջին միջոցառումները։ Փետրվարի 19-ին Սյունիքի N զորամասում կազմակերպվել էր համերգային ծրագիր՝ հայրենասիրական և ազգային երգ ու պարով։

Փետրվարի 21-ին տեղի ունեցավ «Մեկ օր զինվորների հետ» խորագրով այց մարզում տեղակայված N զորամաս։ Կապանի թիվ 3 և թիվ 10 միջնակարգ դպրոցների աշակերտները հնարավորություն ունեցան ծանոթանալ զինվորների առօրյային, մասնակցեցին առավոտյան տողանին ու պարապմունքներին։

«Անպարտ հայ զինվոր» մշակութային միջոցառման շրջանակում վերջին նախաձեռնությունը մարզի զորամասերից մեկում կազմակերպված ինտելեկտուալ խաղ-մրցույթն էր, որին մասնակցեցին Կապանի թիվ 1 և թիվ 7 հիմնական դպրոցների աշակերտներն ու զորամասի 2-րդ և ուսումնական գումարտակի զինծառայողները։

Հաղթող ճանաչվեց թիվ 7 հիմնական դպրոցի թիմը։ Խաղ-մրցույթն ընդմիջվում էր երաժշտական կատարումներով։

Մրցույթին մասնակցող թիմերը Սյունիքի մարզպետարանից հավաստագրեր և հուշանվերներ ստացան։