Սյունիքի մարզպետի աշխատակազմ

 Այսօր Սյունիքի մարզպետարանում հյուրընկալվեցին արդեն երկրորդ անգամ հանրապետությունում անցկացվող «Իմ կյանքը համայնքում» աշակերտների փոխանակման ծրագրի մասնակիցները, որոնք Սյունիք են եկել Լոռու մարզից։ Նրանց ողջունեցին մարզպետ Ռոբերտ Ղուկասյանն ու մարզպետի աշխատակազմի կրթության, մշակույթի և սպորտի վարչության պետ Մերի Գանդալյանը։

Մ․ Գանդալյանը գրքեր նվիրեց աշակերտներին ու նրանց մասնակից դարձրեց այսօրվա իր աշխատանքային առօրյային։ Սյունիք հյուր եկած դպրոցականները վարչության պետի հետ Դ․Համբարձումյանի անվան մանկապատանեկան մարզադպրոցում մասնակցեցին դպրոցականների սպորտլանդիայի մարզային փուլի բացման արարողությանը, ինչպես նաև եղան Կապանի երկրագիտական թանգարանում։