Սյունիքի մարզպետի աշխատակազմ

Շնորհավորում եմ բոլորիդ Սեպտեմբերի 1-ի կապակցությամբ։

Գիտելիքի և դպրության օրն առանձնահատուկ և կարևոր տոն է, որին հայ ընտանիքները պատրաստվում են յուրահատուկ ջերմությամբ։

Նոր ուսումնական տարին, սիրելի ուսուցիչներին և դպրոցական ընկերներին հանդիպելու սպասումների հետ մեկտեղ, նաև նոր հնարավորություններ է բերում անձնական աճի ու նվաճումների, կրթական հաջողությունների, մասնագիտական ​​հմտությունների զարգացման համար։

Մեր մարզի ապագա ձեռքբերումների բանալին նույնպես ձեր կրթական հաստատություններում է՝ նախակրթարաններից մինչև դպրոցներ, քոլեջներ ու համալսարաններ։ Ուստի, թե՛ սովորողները, թե՛ դասավանդողները պետք է հնարավորինս կատարելագործեն առկա հզոր ներուժը՝ համատեղելով մանկավարժական լավագույն ավանդույթները նորարարական գաղափարների մշտական ​​որոնումների հետ։

Առանձնակի շնորհավորանքս՝ առաջին անգամ ՆՈՒՀ-եր, դպրոցներ, քոլեջներ ու բուհեր ոտք դնողներին․ բոլորդ անհամբերությամբ եք սպասել այս սեպտեմբերին, ու թո՛ղ, որ իրականություն դառնան այսօրվա հետ կապված բոլոր ակնկալիքները։ Իսկ մեր՝ մեծերիս պարտքն է օգնել ձեզ սիրել ուսումը և ամեն ինչ անել կրթության ու ինքնազարգացման համար բարենպաստ միջավայր ապահովելու համար։ Կրթությունը մի՛շտ մեր առաջնահերթություններից է՝ նույնիսկ ամենադժվարին ժամանակներում:

Բոլորիդ մեծ հաջողություններ ու խաղաղություն եմ մաղթում այսօրվանից սկսվող կրթաշրջանում։