Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՃԱՆԱՉՈՂԱԿԱՆ ՇՐՋԱԳԱՅՈՒԹՅՈՒՆ ՊԱՏՄԱՄՇԱԿՈՒԹԱՅԻՆ ՎԱՅՐԵՐՈՒՄ՝ ԼՂ-ԻՑ ՍՅՈՒՆԻՔՈՒՄ ՀԱՍՏԱՏՎԱԾ ԵՐԵԽԱՆԵՐԻ ՀԱՄԱՐ
13.11.2023
Սյունիքի մարզպետի աշխատակազմի ենթակայության «Կապանի մշակույթի կենտրոն» ՊՈԱԿ-ն անցած շաբաթ կազմակերպել էր «Սյունիք-Վայոց ձոր մշակութային կամուրջ» խորագրով միջոցառում, որի ընթացքում կազմակերպվեցին ճանաչողական այցեր երկու մարզերի պատմամշակութային վայրեր։
Միջոցառման մասնակիցները Սյունիքում բնակվող՝ ԼՂ-ից բռնի տեղահանված ընտանիքների երեխաներն էին։
Նրանք ՊՈԱԿ-ի տնօրեն Վահե Արզումանյանի ուղեկցությամբ Վայոց ձորում այցելել են Թռչունների քարանձավ, Նորավանք վանական համալիր, Եղեգնաձորի հուշահամալիր, Հայաստանի ազգային պատկերասրահի Եղեգնաձորի մասնաճյուղ և Եղեգնաձորի երկրագիտական թանգարան։
Երեխաները եղել են նաև Համո Սահյանի անվան Սիսիանի մշակույթի կենտրոնում՝ ունկնդրելով կենտրոնի ժողգործիքների համույթին․ այստեղ նրանց համար կազմակերպվել էր նաև ազգային պարերի ուսուցում:
Շրջագայության երկրորդ օրը ծրագրի մասնակիցներն այցելել են Շաքիի ջրվեժ, Սիսիանի Ն. Ադոնցի անվան պատմության թանգարան, Հայաստանի ազգային պատկերասրահի «Սիսիանի պատկերասրահ» մասնաճյուղ և Համո Սահյանի տուն-թանգարան։
Միջոցառումն ավարտվել է Որոտնավանք վանական համալիր այցով:
