Սյունիքի մարզպետի աշխատակազմ

Այս տարի մշակութային շրջագայությանը մասնակից դարձան նաև ԼՂ-ից բռնի տեղահանված քաղաքացիները, որոնք բնակություն են հաստատել Գորիս համայնքում․ նախաձեռնության նպատակն էր նրանց ծանոթացնել մարզի մշակույթին ու ներկայացնել Սյունիքում գործող համույթների կատարումները:

Միջոցառմանը մասնակցեցին Քաջարանի մշակույթի կենտրոնի «Նռանե», Սիսիանի Ա. Մինասյանի անվան արվեստի և ստեղծագործության կենտրոնի պարային համույթները, «Կապանի մշակույթի կենտրոն» ՀՈԱԿ-ի ժողովրդական նվագարանների անսամբլը և «Զանգեզուր» պարային համույթը։

Համերգը եզրափակվեց «Սյունյաց քոչարի» միասնական պարով։

Մինչ միջոցառումը՝ ծրագրի մասնակիցները ծաղկադրում կատարեցին՝ հարգանքի տուրք մատուցելով հանուն հայրենիքի զոհված գորիսեցիների հիշատակին։