Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՇՐՋԱՅՑ ՍՈՒԲՎԵՆՑԻՈՆ ԾՐԱԳՐԵՐԻ ՇԻՆՀՐԱՊԱՐԱԿՆԵՐՈՒՄ
25.01.2024
Սյունիքի մարզպետի խորհրդական Կարեն Բալյանն այսօր մարզպետի աշխատակազմի Քաղաքաշինության, հողաշինության և ենթակառուցվածքների կառավարման վարչության պատասխանատուների հետ այցելել է Կապան համայնքում 2023 թվականի սուբվենցիոն ծրագրերի շրջանակում մեկնարկած ու ընթացքի մեջ գտնվող շինաշխատանքների երկու օբյեկտ՝ դիտարկելու աշխատանքների ընթացքը և որակը։
Հիշեցնենք, որ սուբվենցիոն ծրագրերն իրականացվում են կառավարություն - համայնք համաֆինանսավորմամբ։
—————————————————————————
-Սուբվենցիոն ծրագրով հիմնանորոգվում է Կապանի թիվ 1 ՆՈՒՀ -ի շենքը․ աշխատանքների շրջանակում կբարեկարգվի նաև ՆՈՒՀ-ի տարածքը։
Ծրագրի ընդհանուր արժեքը՝ 367 մլն 283 հազար դրամ է, որում ՀՀ պետբյուջեից համաֆինանսավորման չափը՝ 293 մլն 826 հազար դրամ։
Մինչ այժմ իրականացվել է նախատեսված աշխատանքների մոտ 40 տոկոսը, կատարվել է շենքի ուժեղացման աշխատանք, ավարտվել է տանիքի նորոգումը։ Այս տարի հիմնանորոգումը կավարտվի։
-Մեկ այլ ծրագրով նորոգվում է Կապան քաղաքի Բաղաբերդ թաղամասի թիվ 6/83 հասցեում գտնվող ակումբ-գրադարանը․ ծրագրի ընդհանուր արժեքը 46 մլն 19 հազ դրամ է, որում ՀՀ պետբյուջեից համաֆինանսավորման չափը՝ 27 մլն 611 հազ դրամ։
Այստեղ աշխատանքները մոտ 90 տոկոսով ավարտվել են։
—————————————————————————————
Այցերը և մարզի համայնքներում իրականացվող սուբվենցիոն ծրագրերի դիտարկումը շարունակական են։
