Սյունիքի մարզպետի աշխատակազմ

Փետրվարի 28-ին մարզպետի աշխատակազմի քաղաքաշինության և կրթության ոլորտների պատասխանատուները եղել են Սիսիան համայնքում։

Այցի ընթացքում դիտարկվել են հետևյալ շինարարական ծրագրերը.

-Դարբաս գյուղում կրթահամալիրի կառուցում․ արժեքը՝ 818․4 մլն դրամ։

-Վաղատին գյուղում կրթահամալիրի կառուցում․ արժեքը՝ 754․5 մլն դրամ։

Այս երկու վայրում էլ աշխատանքները մոտ 75%-ով ավարտվել են, շինարարության ավարտը նախատեսված է այս տարի։

——————————————————————————

Մարզպետի աշխատակազմի կողմից ՀՀ կառավարություն ներկայացված հրատապ խնդիրների լուծման ծրագրերի շրջանակում հաստատված հատկացումով 2022 թվականից հիմնանորոգվում էր «Սիսիանի մանկապատանեկան մարզադպրոց» ՊՈԱԿ-ի շենքը․ աշխատանքներն այստեղ ամբողջությամբ ավարտվել են, այժմ շինարարության ավարտական փաստաթղթերի փուլն է, որից հետո հիմնանորոգված մարզադպրոցը կբացի իր դռները։ Ծրագրի համար ՀՀ պետական բյուջեից հատկացվել է 85 մլն դրամ։

___________________________________________________________________