Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԿԱՊԱՆՑԻ ԵՌԱՑԱՏԿՈՐԴԸ ՊԱՏՐԱՍՏՎՈՒՄ Է ՕԼԻՄՊԻԱԿԱՆ ԽԱՂԵՐԻՆ
05.03.2024
Սյունիքի մարզպետ Ռոբերտ Ղուկասյանը երեկ ընդունել է կապանցի եռացատկորդ, միջազգային կարգի սպորտի վարպետ, Երիտասարդների Եվրոպայի առաջնության չեմպիոն, Բալկանյան խաղերի յոթակի չեմպիոն, Ռիոյի և Տոկիոյի Օլիմպիական խաղերի մասնակից Լևոն Աղասյանին։
Մարզպետը մարզիկին շնորհավորել է բազում հաղթանակների ու Հայաստանը տարբեր մրցաշարերում պատվով ներկայացնելու համար, նրա հետ զրուցել մարզական ձեռքբերումների, Հայաստանում, մասնավորապես Սյունիքում թեթև աթլետիկայի զարգացման հնարավորությունների, դրան խոչընդոտող հանգամանքների մասին։
Լ․Աղասյանը պատմել է իր մարզվելու պայմանների, նաև զարգացած սպորտ ունենալու տեսլականի մասին։
Մարզի ղեկավարը հետաքրքրվել է նաև առաջիկա մրցաշարերին ներկայանալու, ինչպես նաև 2024-ի Օլիմպիական ամառային խաղերին մասնակցելու վարկանիշի ապահովման գործընթացով։
Եռացատկորդը խոսել է սպորտից դուրս իր երազանքների ու հոբբի մասին ևս։
Ռոբերտ Ղուկասյանը հավաստիացրել է Լևոնին, որ մարզային իշխանությունն իր կողքին է ու պատրաստակամ՝ աջակցելու անհրաժեշտության դեպքում։
