Սյունիքի մարզպետի աշխատակազմ

 Սյունիքի մարզպետ Ռոբերտ Ղուկասյանը մարտի 6-ին այցելել է Կապանում գործող ադամանդի նիստավորման նորաբաց «RDC diamond» արտադրամաս։

Տնօրեն Հովիկ Անդրանիկյանի ուղեկցությամբ նա ծանոթացել է արտադրամասի աշխատանքին, այստեղ ներդրված հաստոցներին, աշխատակիցներին ու ընդլայնման հնարավորություններին։

Այստեղ արդեն 30 աշխատատեղ է ստեղծվել (մեծ մասը կանայք են), աշխատանքի ընդունվողները մինչ մասնագիտական գործունեությանն անցնելը որոշակի ժամանակ ուսուցում են անցնում։

Աշխատակիցների կարիք դեռևս կա, ու ցանկացողների դիմելու դեպքում արտադրամասն իր ծավալներն ավելացնելու հնարավորություն ունի։

Մշակված ադամանդի հիմնական մասն արտահանվում է։

Ռոբերտ Ղուկասյանը շնորհակալություն է հայտնել տնօրենին՝ Կապանում իրականացված ներդրումների համար, նրա հետ նաև առկա խնդիրներն ու առաջիկա ծրագրերը քննարկել։