Սյունիքի մարզպետի աշխատակազմ

Հանդիպման նպատակն էր տարածքային կառավարման ու տեղական ինքնակառավարման մարմինների հետ տեղում քննարկել տեսչական մարմնի պատասխանատվության տիրույթում գտնվող ոլորտների հետ կապված խնդիրները, տալ պարզաբանումներ հուզող հարցերի վերաբերյալ, խոսել բնագավառը կարգավորող օրենսդրական պահանջների կիրառման մասին, որպեսզի հետագայում բացառվեն կամ նվազեցվեն արձանագրված թերացումները։

Նշելով, որ շրջակա միջավայրի պահպանության ոլորտում պետությունը որոշակի լիազորություններ պատվիրակել է համայնքներին՝ պարոն Մարտիրոսյանը ներկաների հետ խոսեց, մասնավորապես, հողերի նկատմամբ վերահսկողության, ջրօգտագործման թույլտվությունների, ընդերքօգտագործման, հողագրունտի օգտագործման, անտառահատումների ու այլ հարցերի շուրջ, լսեց մտահոգություններ ու առաջարկներ, որոնք լրացուցիչ կուսումնասիրվեն տեսչական մարմնում։