Սյունիքի մարզպետի աշխատակազմ

Հանդիպման ընթացքում քննարկվել է հիմնադրամի՝ դեռևս տարիներ առաջ մշակած «Մեղրի քաղաքի Փոքր թաղի վերածնունդ» ծրագիրը, որը մշակութային և զբոսաշրջության զարգացման բաղադրիչներ ունի։

Այս տարի արդեն սկսվել է Փոքր թաղի մի մասի վերականգնումը՝ Հայաստանի տարածքային զարգացման հիմնադրամի ենթածրագրով՝ ՀՀ կառավարության և Համաշխարհային բանկի համաֆինանսավորմամբ։

Կատարվում է փողոցների սալիկապատում, զբոսաշրջային ցուցանակներով կահավորում, լուսավորման, խմելու ջրի, ոռոգման ու կոյուղու համակարգի հիմնում և այլն։

Եվ քանի որ ծրագիրն արդեն իսկ պետական հոգածության ներքո է, ու «Իզմիրլյան հիմնադրամի» հոգաբարձուներն էլ պատրաստակամություն են հայտնել շարունակել ծրագրի իրականացումը, հյուրերը մարզպետի հետ քննարկեցին դրա հետագա և ամբողջական իրագործման հեռանկարները, միջազգային ու այլ դոնորների ներգրավման հնարավորությունները, կողմերի ու մարզային իշխանության անելիքներն այս ուղղությամբ․ արդյունքում ամբողջությամբ կվերականգնվի Փոքր թաղի պատմական միջավայրը, իսկ Մեղրին զբոսաշրջային ներուժի զարգացում կունենա։