Սյունիքի մարզպետի աշխատակազմ

Սյունիքի մարզպետ Ռոբերտ Ղուկասյանն այսօր աշխատանքային շաբաթն սկսեց Քաջարան համայնքում։

Շաբաթվա ընթացքում նա, մարզպետի աշխատակազմի ղեկավար կազմի ու համայնքի ղեկավար Մանվել Փարամազյանի ուղեկցությամբ, շրջելու է բոլոր բնակեցված բնակավայրերով ու լսելու բնակիչների բարձրաձայնած խնդիրները։

Այցերի արդյունքում ստեղծվելու է տվյալների բանկ, որը հետագայում կդրվի քննարկման՝ արագ և արդյունավետ լուծումներ գտնելու նպատակով։

Այսօր մարզպետը հանդիպել է համայնքապետարանի աշխատակազմին, համայնքի ավագանու անդամներին և մանկապատանեկան ամառային ճամբարի սաներին։