Սյունիքի մարզպետի աշխատակազմ

Ընդունելությանը ներկայացել էր 29 քաղաքացի:

Նրանց մեծ մասը՝ 16 հոգի, դիմել է աշխատանքի տեղավորման միջնորդության խնդրանքով՝ ընդ որում` ԶՊՄԿ-ում:

Չորս քաղաքացի դիմել է դրամական օգնության խնդրանքով, այդ թվում՝ մեկ հոգի՝ ուսման վարձը վճարելու համար:

Քաջարանում բնակվող՝ ԼՂ-ից տեղահանված մեկ քաղաքացի դիմել է նպաստը վերականգնելու միջնորդության խնդրանքով:

Մեկական քաղաքացի դիմել է դպրոցը եղբոր անունով անվանակոչելու, տան խոհանոցի նորոգման համար նյութական աջակցություն ստանալու, սելավից վթարված կամրջի վերականգնման հարցով:

Երկու քաղաքացի ուներ հողի սեփականաշնորհման հետ կապված խնդիր, մեկ հոգի դժգոհեց ցածր աշխատավարձից, մեկ քաղաքացի էլ ներկայացել էր թոշակառուների անունից և առաջիկայում մարզպետի հետ հանդիպման համաձայնություն ձեռք բերել: 50,55,60 տարիների համատեղ կյանքի համար պետական պարգևատրման առաջարկով էլ հանդես եկավ մեկ քաղաքացի:

Մարզպետի աշխատակազմի համապատասխան ստորաբաժանումներում Ռ․ Ղուկասյանի հանձնարարությամբ ուսումնասիրվում են քաղաքացիների բարձրացրած խնդիրները՝ համապատասխան լուծումներ գտնելու համար: