Սյունիքի մարզպետի աշխատակազմ

Սյունիքի մարզպետի խորհրդական Կարեն Բալյանը սեպտեմբերի 20-ին մարզպետի աշխատակազմի ու համայնքապետարանի քաղաքաշինության պատասխանատուների հետ դիտարկել է Քաջարան համայնքում ՀՀ կառավարություն-համայնք համաներդրմամբ իրականացվող սուբվենցիոն ծրագրերը։

———————————————————————

2023 թվականին հաստատված սուբվենցիոն ծրագրով հիմնանորոգման աշխատանքներ են կատարվում դեպի Փուխրուտ գյուղական բնակավայր (3257 մ) և դեպի Կաթնառատ գյուղական բնակավայր (1309 մ) տանող ներհամայնքային ճանապարհներին, որոնք նախկինում անբարեկարգ էին։

Իրականացվող աշխատանքների շրջանակում ճանապարհները նաև լայնացվում են, կառուցվում կողային առուներ, ապահովվում է ջրահեռացումը, անհրաժեշտ հատվածներում կառուցվում են հենապատեր։

Արդյունքում գյուղերը կունենան հիմնանորոգված, ասֆալտապատ ու ավելի լայն ավտոճանապարհներ։

Ծրագրի արժեքն է 514 մլն 692 հազար դրամ, որի 60 տոկոսը ՀՀ պետբյուջեի համաֆինանսավորման չափն է։

Կապալառու` «Ապառաժ» ՍՊԸ։

Շինաշխատանքները նախատեսվում է ավարտել մինչև այս տարեվերջ։