Սյունիքի մարզպետի աշխատակազմ

Աշխատանքները մեկնարկել են մարզպետի նախաձեռնությամբ՝ «Սյունիքի զարգացման և ներդրման հիմնադրամի» ու «Զանգեզուրի ՊՄԿ» ՓԲԸ-ի ֆինանսական աջակցությամբ։ Հնագիտական աշխատանքներն իրականացնում է ՀՀ գիտությունների ազգային ակադեմիայի հնագիտության և ազգագրության ինստիտուտի արշավախումբը։

Ռ․Ղուկասյանին ուղեկցում էին ԱԺ պատգամավոր Նարեկ Ղահրամանյանը, մարզպետի աշխատակազմի անդամներ։

Տարածքը մաքրվել է բուսածածկույթից, բացվել են որոշ հատվածներ, սակայն հնագիտական խոր շերտերի բացման, պատմամշակութային գիտական ուսումնասիրությունների, պեղումների մեծածավալ աշխատանքների հաջորդ փուլերը դեռ առջևում են։

Ռոբերտ Ղուկասյանը նշեց․

Արշավախմբի ղեկավար հնագետ Գագիկ Սարգսյանը մի շարք մասնագիտական մեկնաբանություններով բացատրեց, թե ինչ հիմքերից ելնելով են փաստում, որ սա 9-10-րդ դդ․ կառույց է, որ ոչ թե սովորական բազմասենյականոց համալիր է, այլ պալատ։ Հնագետը ցույց տվեց նաև բացված փոքր աղոթատեղին, պարիսպները, օժանդակ կառույցների հետքեր, նշեց, որ այդ տարածքում կան բազում կացարաններ, որոնք ըստ ամենայնի եղել են հին Կապան քաղաքի մաս, իսկ միջնաբերդից հսկվել ու կառավարվել է այն։ Կառույցը երեսպատված է եղել սպիտակ խեցաքարերով (այդպիսիք հանդիպել են նաև Վահանավանքում), որոնցից մասնիկներ են միայն պահպանվել։

Նշենք , որ նոր պեղվող ու դեռ բացահայտումներ խոստացող, կապանցիներին դեպի 1000 տարի հետ ու պատմական քաղաք վերադարձնող հուշարձանը գտնվում է հին Ջրախոր գյուղի տարածքում։