Սյունիքի մարզպետի աշխատակազմ

Ուսուցիչն է, որ բոլոր ժամանակներում համարվում է մշակույթի ու գիտելիքի կրողը․ սակայն աշակերտներն ու նաև ավագ մարդիկ ձեզ մոտ են գալիս ոչ միայն գիտելիքների, այլև օգնության և խորհուրդների համար։ Եվ հենց այն ուսուցիչներին են երախտապարտ աշակերտները հիշում ողջ կյանքում, որոնց դերակատարումը բեկումնային է եղել հետագա ճանապարհի ընտրության կամ որպես անհատ ձևավորվելու գործում։

Սիրելի՛ ուսուցիչներ, այս օրը հրաշալի առիթ է ևս մեկ անգամ երախտագիտություն հայտնելու բոլորիդ՝ ձեր վեհ, պատվաբեր, ստեղծագործ, միևնույն ժամանակ բարդ ու պատասխանատու աշխատանքի, նվիրվածության համար, այն ջերմության համար, որը ամեն օր տալիս եք երեխաներին։

Շնորհակալություն հատկապես այն մանկավարժներին, որոնք անգնահատելի ներդրում ունեն մեր մարզի կրթական համակարգի զարգացման գործում։

Սրտանց շնորհավորում եմ բոլորիդ մասնագիտական տոնի կապակցությամբ, մաղթում բարեկեցություն, քաջառողջություն, ընտանեկան երջանկություն և նորանոր մասնագիտական հաջողություններ:

Նոր կրթական չափորոշիչներին, ծրագրերում ու դասագրքերում մշտապես կատարվող փոփոխություններին համահունչ քայլելն, իհարկե, բարդ է, բայց տեսնում ենք, որ կարողանում եք արագ հաղթահարել խնդիրները, լուծումներ գտնել, կիրառել աշխատանքի արդիական մեթոդները և իրականացնել խոստումնալից կրթական, գիտական, մշակութային ​​նախագծեր։ Այս ամենի արդյունքում արդիականացվում է մեր հայրենական կրթութունը։

Բայց ոչ մի գերժամանակակից տեխնոլոգիա կամ նորարարություն չի կարող փոխարինել մանկավարժական տաղանդին, հմտությանը և մասնագիտական բարձր պատրաստականությանը։ Ու համընդհանուր աշխատանքի բարձր արդյունավետության հենքն, իհարկե, ձեր արհեստավարժությունն է ու նվիրումը։

Ձեր շնորհիվ, սիրելի՛ ուսուցիչներ, ակտիվ, ստեղծագործ երեխաների հրաշալի սերունդ է մեծանում։ Նրանց հաջողությունները օլիմպիադաներում և տարբեր մրցույթներում ձեր վաստակն են և ներդրումը Սյունիքի ու Հայաստանի Հանրապետության ապագայում:

Թո՛ղ աշխատանքային ամեն օրը ձեզ ոգեշնչում և լավ տրամադրություն բերի, իսկ սերը երեխաների հանդեպ, մասնագիտական նոր բարձունքներ նվաճելու ցանկությունը երբեք չլքեն ձեզ: