Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ԿԳՄՍՆ ՄԵԴԱԼ՝ ՄԱՐԶՊԵՏԻ ԱՇԽԱՏԱԿԱԶՄԻ ՎԱՐՉՈՒԹՅԱՆ ՊԵՏԻՆ
06.10.2024
Ուսուցչի օրվա կապակցությամբ ՀՀ Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանն արժանացել է ՀՀ ԿԳՄՍՆ մեդալի։
Տիկին Գանդալյանը նշում է.
-Խորին շնորհակալություն եմ հայտնում ՀՀ կրթության, գիտության, մշակույթի և սպորտի նախարարությանը այս բարձր գնահատանքի համար: Այս պարգևը մեր համատեղ ջանքերի և նվիրված աշխատանքի արդյունքն է:
Առանց մեր թիմի՝ Սյունիքի մարզպետի աշխատակազմի, ինչպես նաև նախարարության հետ սերտ համագործակցության, հաջողությունների հնարավոր չէր լինի հասնել։ Յուրաքանչյուրի ներդրումն անգնահատելի է կրթության ոլորտի բարեփոխումների գործում:
Այս պարգևը ոչ միայն իմ անձնական ձեռքբերումն է, այլև՝ ողջ անձնակազմինը և խթան է շարունակելու մեր ընդհանուր առաքելությունը՝ բարելավելու կրթության որակը Սյունիքի մարզում և ամբողջ Հայաստանում:
Շնորհակալ եմ բոլորին համագործակցության և աջակցության համար: Միասին մենք կշարունակենք աշխատել հանուն մեր երեխաների ապագայի և մեր երկրի զարգացման:
_________________________________
Շնորհավորում ենք մեր գործընկերոջը և նոր ձեռքբերումներ մաղթում աշխատանքում։
