Սյունիքի մարզպետի աշխատակազմ

 Սյունիքի մարզպետի խորհրդական Կարեն Բալյանը նոյեմբերի 29-ին այցելել է Կապանի թիվ 1 ՆՈՒՀ, որտեղ ՀՀ կառավարություն-համայնք համաներդմամբ իրականացվող սուբվենցիոն ծրագրով ավարտվում են հիմնանորոգման աշխատանքները։

Ծրագիրը մեկնարկել է 2023-ից, ու այժմ գրեթե ավարտվել են ներքին հարդարման աշխատանքները, բակի ու շրջակա տարածքի բարեկարգումը ևս շուտով կավարտվի։

Այցի նպատակն էր և՛ դիտարկել կատարված աշխատանքների ծավալն ու արդյունքները, և՛ փոխանցել կառավարության միջոցներով ձեռք բերված գույքի մի մասը։

Նշենք, որ ՀՀ կառավարության որոշմամբ նորոգվող մանկապարտեզի համար կահույքի, կենցաղային ու խոհանոցային տեխնիկայի, անհրաժեշտ այլ գույքի համար մարզպետի աշխատակազմին հատկացվել էր 52 մլն 303 հազար դրամ։ Գույքի մնացած մասի մատակարարումը ընթացքի մեջ է։

Հիշեցնենք, որ ՆՈՒՀ-ի հիմնանորոգման սուբվենցիոն ծրագրի ընդհանուր արժեքը՝ 367 մլն 283 հազար դրամ է, որում ՀՀ պետբյուջեից համաֆինանսավորման չափը՝ 293 մլն 826 հազար դրամ։