Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՀՀ ԿԱՌԱՎԱՐՈՒԹՅԱՆ 55 ՏՈԿՈՍ ՀԱՄԱՖԻՆԱՆՍԱՎՈՐՄԱՄԲ ԿԱՊԱՆՈՒՄ ԿԱՄՈՒՐՋՆԵՐ ԵՆ ՆՈՐՈԳՎՈՒՄ
13.08.2025
Սյունիքի մարզպետի խորհրդական Կարեն Բալյանը մարզպետի աշխատակազմի ու համայնքապետարանի քաղաքաշինության պատասխանատուների հետ դիտարկել է Կապանում ՀՀ կառավարություն-համայնք համաներդրմամբ 2025 թվականի սուբվենցիոն ծրագրերով Ողջի գետի վրայով անցնող կամուրջների նորոգումը։
——————————————————————————
Կապան քաղաքի Սպանդարյան - Մ․Հարությունյան - Շահումյան փողոցների հատման կետում կամրջի նորոգում:
-Ծրագրի ընդհանուր արժեքը՝ 49,6 մլն դրամ, որի մեջ կառավարության համաներդրումը՝ 55 տոկոս։
-Նորոգվող տարածքի մակերեսը՝ 963 քմ։
-Կապալառու՝ «Նորոգշին» ՍՊԸ
-------------------------------------------------------------
Կապան քաղաքի Ա․Մանուկյան - Հ․Թումանյան - Հ․Ավետիսյան փողոցների հատման կետում կամրջի նորոգում:
Ծրագրի ընդհանուր արժեքը՝ 36,6 մլն դրամ, որի մեջ կառավարության համաներդրումը՝ 55 տոկոս։
Նորոգվող տարածքի մակերեսը՝ 520 քմ։
Կապալառու՝ «Արայիկ երկաթ» ՍՊԸ:
—————————————————————————
Կամուրջների նորոգման ընթացքում կատարվել են հենարանների ամրացման, մայթերի սալապատման, ճանապարհային հատվածի ասֆալտապատման ու լուսավորության համակարգի անցկացման աշխատանքներ, տեղադրվել՝ նոր բազրիքներ։
Երկու վայրում էլ շինաշխատանքները մոտենում են ավարտին։
