Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՑՈՒՑԱՀԱՆԴԵՍ՝ ՆՎԻՐՎԱԾ ԱՆՀԱՅՏ ԿՈՐԱԾՆԵՐԻ ՃԱԿԱՏԱԳՐԻՆ
29.08.2025
Սյունիքի մարզպետի խորհրդական Նվարդ Հարությունյանը և մարզպետի աշխատակազմի Կրթության, մշակույթի և սպորտի վարչության պետ Մերի Գանդալյանը օգոստոսի 29-ին` Անհայտ կորածների միջազգային օրվա նախօրեին, Գորիսում մասնակցել են «Բացակա, բայց չմոռացված» խորագրով ֆոտոցուցահանդեսի բացմանը։
Այն կազմակերպել է Հայաստանում Կարմիր խաչի միջազգային կոմիտեի պատվիրակությունը։
Ցուցահանդեսը նպատակ ունի արտացոլել անհայտ կորած անձանց ընտանիքների վերապրած զգացմունքները, հարազատների ճակատագրերի ցավալի անորոշությունը։
Միջոցառման նպատակն է նաև նպաստել անհայտ կորածների հիմնախնդրի վերաբերյալ հանրության ավելի լայն իրազեկմանը։
Բացմանը մասնակցում էին անհայտ կորած անձանց ընտանիքների անդամներ ևս։
Մերի Գանդալյանն իր խոսքում նշեց, որ նման միջոցառումների նպատակն է հիշել բոլոր նրանց ում ճակատագրերն անհայտ են, նաև բարձրաձայնել այս կարևոր խնդրի մասին, հիշեցնել դրա հումանիտար նշանակությունը, միավորել հասարակության տարբեր շերտերին՝ աջակցելու և համերաշխություն հայտնելու այս ընտանիքներին, ձևավորելու նրանց կողքին լինելու մշակույթը։
Ցուցահանդեսը կգործի մինչև օգոստոսի 31-ը ներառյալ:
