Սյունիքի մարզպետի աշխատակազմ

Ցուցահանդեսի ընթացքում յուրաքանչյուր մարզ ներկայացել էր իր տաղավարով՝ այցելուներին հնարավորություն ընձեռելով ծանոթանալ մարզի զբոսաշրջային հնարավորություններին, նաև ներկայացվել էին փորձառություններ՝ կավագործություն, տիկնիկագործություն, գորգագործություն և այլն․ օրը եզրափակվեց համերգային ծրագրով։

Բացի մարզային տաղավարներից, կային նաև Հայաստանի արկածային հնարավորությունները ներկայացնող, ինչպես նաև գաստրո տաղավարներ, որտեղ հմուտ խոհարարը պատրաստում էր յուրաքանչյուր մարզին բնորոշ որևէ ուտեստ։

Սեպտեմբերի 26-ին զուգահեռաբար անցկացվեց «Ապագայի ճանապարհ․ ներքին զբոսաշրջության ինովացիաներն ու համայնքային ներուժը» խորագրով համաժողովը ևս, որի ընթացքում պետական և մասնավոր ոլորտի ներկայացուցիչները քննարկեցին համայնքային զբոսաշրջության զարգացումը, մարզերում երիտասարդության մասնակցությունը ներքին զբոսաշրջության ինովացիաներին և այլ հարցեր։

«Ճանաչի՛ր Հայաստանը» ներքին զբոսաշրջային ցուցահանդեսն անցկացվեց չորրորդ անգամ և այն նպատակ ունի դառնալ ամենամյա՝ խթանելով զբոսաշրջիկների հոսքը դեպի մարզեր և բացահայտելու մարզային հնարավորությունները նորովի։

Սյունիքի մարզպետի աշխատակազմի կողմից կազմակերպված ու ներկայացված տաղավարում մարզը ներկայացնում էին «Visit Sisian» զբոսաշրջային կենտրոնը, Սիսիանի «Բասեն» հյուրանոցը, «Էդգարի տուն» հյուրատունը, Գորիսի Syunik DMO-ն, Սիսիանի Bees House-ը՝ մեղրի եւ մեղվի ցուցասրահով, «Եղևնուտ» հյուրանոցը և «Տաթևեր» ճոպանուղին։

Ներկայացված են եղել նաև տեղեկատվական նյութեր ողջ մարզից, որոնք ներկայացրել են մարզի զբոսաշրջային ներուժը։