Սյունիքի մարզպետի աշխատակազմ

Մարզպետի առաջին կանգառը Կապանի թիվ 8 միջնակարգ դպրոցն էր, որը հիմնանորոգվում է 300 դպրոցի ու 500 մանկապարտեզի նորոգման, կառուցման և վերակառուցման պետական ծրագրով։

Մարզպետի աշխատակազմի և ՄԱԿ ՊՀԾ-ի համագործակցությամբ այստեղ 1000 քմ ինտենսիվ այգի է հիմնվել, ու 20 կվտ հզորությամբ արևային կայան տեղադրվել։

ՀՀ կառավարություն-համայնք համաներդրմամբ 2024թ․ սուբվենցիոն ծրագրով ասֆալտապատվում է դեպի Շղարշիկ թաղամաս տանող ճանապարհը։

Ծրագրի արժեքը՝ 150 մլն դրամ է, որում պետական մասնաբաժինը՝ 55% կամ 82,5 մլն դրամ:

Դիտարկվել է ՀՀ պետբյուջեով 2023-2024թթ. Մ2 ավտոմայրուղու՝ Կապան քաղաքով անցնող 9,4 կմ ճանապարհահատվածի հիմնանորոգումը։

Ծրագրի արժեքը՝ 862 մլն դրամ։

Այստեղ սուբվենցիոն ծրագրով նաև Կապանի թունելից մինչև Բաղաբերդ թաղամասի միջնամաս փողոցային լուսավորության ցանց է կառուցվել։

Ծրագրի արժեքը՝ 151,5 մլն դրամ, որում պետական մասնաբաժինը 70%, կամ՝ 106 մլն դրամ:

Կապանի Բաղաբերդ թաղամասում 2021թ․ սուբվենցիոն ծրագրով հիմնանորոգվել են 14,15,16,18,19, 20, 21 բնակելի շենքերի բակերը։

Ծրագրի արժեքը՝ 81,2 մլն դրամ, որում պետական մասնաբաժինը 36,5 մլն դրամ կամ 45%։

Սուբվենցիոն ծրագրով նորոգվել են Բաղաբերդ 15,18,19, 20 շենքերի տանիքները և 15, 17 շենքերի նկուղային հարկերը։

Ծրագրի արժեքը՝ 101,6 մլն դրամ, որում պետական մասնաբաժինը 51,6 մլն դրամ կամ՝ 51%։

Սուբվենցիոն ծրագրով (2019թ․ և 2021թ․) վերանորոգվել են Բաղաբերդ 23, 24 շենքերի տանիքները։

Ծրագրի արժեքը՝ 8,6 մլն դրամ, որից 4,5 մլն-ը պետության մասնաբաժինն է (52%):

2025թ․ սուբվենցիոն ծրագրով նորոգվում են Բաղաբերդ 22, 23, 24, 25 շենքերի բակերը։

Ծրագրի արժեքը՝ 57 մլն դրամ, որում պետական մասնաբաժինը 55%, կամ 31,4 մլն դրամ:

Երեկվա այցի ընթացքում մարզպետը եղել է նաև Բաղաբերդ թաղամասի ընտանեկան բժշկի գրասենյակում և Սյունիքի շինարարական նյութերի փորձարկման նորաբաց «Պրոֆ Լաբ» լաբորատորիայում։

Ռոբերտ Ղուկասյանն այցելել է Սյունիքի մարզային նյարդահոգեբուժական դիսպանսեր ևս․ այստեղ մարզպետի աշխատակազմի՝ միջազգային գործըկերների հետ համագործակցությամբ իրականացվել է խոհանոցի արդիականացում (ICRC), տրամադրվել են համակարգիչներ (UNHCR)։

------------------------------------------------------------

Շրջայցի բոլոր վայրերում դիտարկվել են կատարված աշխատանքների որակը, քննարկվել դրանք շինարարության պատասխանատուների հետ, արձանագրվել խնդիրներն ու հնչած առաջարկները՝ արդյունավետ լուծումներ գտնելու նպատակով։