Սյունիքի մարզպետի աշխատակազմ

Հայաստանի ազգային ագրարային համալսարանի Սիսիանի մասնաճյուղը գյուղատնտեսության ոլորտում երկակի ուսուցում (դուալ մոդել) իրականացնող 6 թիրախային քոլեջներից մեկն է՝ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակում։ Քոլեջի ուսանողները և շրջանավարտները գործնական ուսուցումն անցնում են գործընկեր ֆերմաներում և ընկերություններում։ Քոլեջը բարելավել է իր ուսուցման և ուսումնառության պայմանները՝ շնորհիվ կանոնավոր վերապատրաստումների, նոր ուսումնական ծրագրերի, ինչպես նաև արդիականացված սարքավորումների։ Այն հանդիսանում է 2 մասնագիտական կրթության և ուսուցման (ՄԿՈՒ) հաստատություններից մեկը, որոնք կվերակառուցվեն/ կվերանորոգվեն Եվրոպական ներդրումային բանկի կողմից տրամադրելիք «Դիմակայուն Սյունիք» վարկային ծրագրի շրջանակում։

Գորիսում բացվել է ավագ սերնդի կենտրոն, որի առաքելությունն է բարելավել Գորիս համայնքի տարեց բնակիչների, այդ թվում՝ Ղարաբաղից տեղահանված անձանց կյանքի որակը՝ ապահովելով արժանապատիվ ծերացում և նպաստելով նրանց սոցիալական ներառումը։ Կենտրոնը հիմնվել է ԵՄ տրամադրած դրամաշնորհի միջոցով, որի շրջանակում շենքի 500քմ տարածքը վերանորոգվել է, կահավորվել են խոհանոցը, 2 արհեստանոցը և պահեստը։ Հայաստանում Գերմանիայի դեսպանատունը աջակցել է մասնակի նորոգմանն ու սանհանգույցի հարմարեցմանը։

Գորիսում գործում է Գորիս, Տեղ և Տաթև համայնքների բնակիչներին հարմարեցված առաջին սոցիալական տաքսի ծառայությունը։ Վերջինս ստեղծվել է ԵՄ կողմից ֆինանսավորվող «Գործընկերություն հանուն Սյունիքի․ բարելավված համայնքային սոցիալական ծառայություններ» ծրագրի շրջանակում, որը իրականացվում է «Մարդը կարիքի մեջ» ՀԿ-ի կողմից։ Սոցիալական տաքսին տեղափոխում է հաշմանդամություն ունեցող անձանց բժշկական խորհրդատվությունների և վերականգնողական միջամտությունների՝ բարելավելով նրանց շարժունակությունը և կյանքի որակը։

Տաթև համայնքի Շինուհայր բնակավայրում կառուցվել է նոր ոռոգման համակար, «R2D Սյունիք՝ Սյունիքի վերականգնման, դիմակայունության և զարգացման ծրագիր» շրջանակում։Այն ապահովում է ոռոգման ջուր Հալիձոր համայնքի բոլոր գյուղատնտեսական հողատարածքներին՝ ընդհանուր շուրջ 55 հեկտար, 700 տնային տնտեսություն և 3,378 բնակիչ, ներառյալ փախստականներ և այլ խոցելի խմբեր։ Համակարգի հզորությունը բավարար է Շինուհայրի բոլոր հողատարածքները ջրով ապահովելու համար՝ ներքին բաշխիչ ցանցի և միացման աշխատանքների ավարտից հետո։

Կապանում բացվեց սոցիալական ձեռնարկություն, որը հիմնվել է «Ես փոխվում եմ»՝ նախկին դատապարտյալների սոցիալական վերաինտեգրման ծրագրի շրջանակում՝ ԵՄ կողմից ֆինանսավորվող «Գործընկերություն հանուն Սյունիքի․ բարելավված համայնքային սոցիալական ծառայություններ» ծրագրի շրջանակում։ Տպագրատունը ստեղծվել է ազատազրկումից դուրս եկած կամ պրոբացիայի ծառայությունում հաշվառված անձանց համար կայուն զբաղվածության հնարավորություններ ապահովելու նպատակով։ Ծրագիրը նաև տրամադրում է սոցիալ-հոգեբանական, սոցիալ-իրավական աջակցություն և վերամասնագիտացման հնարավորություններ՝ աջակցելով շուրջ 40 անձանց՝ վերաինտեգրվելու հասարակության մեջ։

«Դիմակայուն Սյունիք Թիմ Եվրոպա» նախաձեռնության շրջանակում Սյունիք կատարած այցի շրջանակում դեսպաններն ու հյուրերը Գորիսում այցելել են նաև Ֆրանսիայի՝ 2025-ի հունիսին բացված պատվո հյուպատոսարան ՝ ծանոթանալու դրա գործառույթներին և գործունեությանը: