Սյունիքի մարզպետի աշխատակազմ

ՀՀ կառավարություն - համայնք սուբվենցիոն ծրագրով Կապանի թիվ 1 ՆՈՒՀ-ի շենքի հիմնանորոգում և տարածքի բարեկարգում։

Ծրագրի արժեքը՝ 367,3 մլն դրամ, որում պետական մասնաբաժինը՝ 80% կամ 293,8 մլն դրամ։ Պետբյուջեից հատկացվել է նաև 38 մլն 157 հազար դրամ՝ գույքի ու կահավորման համար։

Վերանորոգվել են Շահումյան փողոցի թիվ 18, 21, 22, 23, 27, 29, 31, 33, 35 շենքերի տանիքները։

Ծրագրի արժեքը՝ 64,6 մլն դրամ, որում պետական մասնաբաժինը՝ 63,6%, կամ 41,1 մլն դրամ։

Իրականացվել են Շահումյան փողոցի մայթերի վերանորոգման, ծառատնկման, կանաչապատ տարածքների վերականգնման և բարեկարգման աշխատանքներ։

Ծրագրի արժեքը՝ 114 մլն դրամ, որում պետական մասնաբաժինը՝ 60% կամ 68,4 մլն դրամ։

Շահումյան փողոցում բակեր են հիմնանորոգվել։

Ծրագրի արժեքը՝ 156,6 մլն դրամ, որում պետական մասնաբաժինը՝ 45%կամ 70,48 մլն դրամ։

Ռոբերտ Ղուկասյանը այցելել է նաև Սյունիքի մարզային գրադարան, որտեղ այժմ վերանորոգման աշխատանքներ են ընթանում «Սյունիքի մարզի զարգացման ու ներդրման հիմնադրամի» միջոցներով, այստեղ գործող Ամերիկյան անկյուն։

Նա եղել է Կապանի թիվ 7 հիմնական դպրոցում ևս, որտեղ մարզպետի աշխատակազմի ու UN WFP-ի համագործակցությամբ 45 կվտ հզորությամբ արևային կայան է տեղադրվել։

Մարզպետն այցելել է նաև Կապանի «Թումո» կենտրոն, «Արմամաքս Սյունիք» ՄՌՏ հետազոտության կենտրոն, Ղարաբաղից տեղահանված ընտանիքի կողմից Կապանում հիմնված արտադրամաս, որին մարզպետի աշխատակազմն աջակցել է տեխնիկայով, Կապանում նոր կառուցվող «Նյու հաուս» բնակելի համալիր, «Իմպերիալ» համալիր։

Օրվա ավարտին Ռոբերտ Ղուկասյանը մասնակցել է Կապանում ԻԻՀ գլխավոր հյուպատոսության հիմնման 3-ամյակին նվիրված միջոցառմանը։